Не зашкодзіць ведаць

Лепшай CMS з адкрытым зыходным кодам для сацыяльных сетак 2007 году абвешчаны рухавік WordPress. Другое месца падзялілі Elgg і Drupal.
3D-маляваньне на асфальце. Такога я яшчэ ніколі ня бачыў.

Працы Джуліян Бівэр.
Касьмічныя грошы. Нібыта традыцыйныя мэталёвыя манэты ўяўляюць небясьпеку для касманаўтаў з-за вострых краёў і ўсё такое, а крэдытныя карткі выйдуць са строю ад касьмічнае радыяцыі. То квіды мусяць быць палімерныя.
82 пінг-сэрвісы. Дазволіў у наладках пінгаваньне гуглем, яхай і тэкнарацяй (у ЎордПрэсе па дэфолце толькі пінг-а-мацік).
100 геніяльных людзей сучаснасьці. Шкада хіба, што па вэрсыі брытанцаў: большасьць пазначаных геніяў альбо зь Вялікабрытаніі, альбо з ЗША. Беларусам месца не хапіла. Хіба толькі… Джордж Сорас, выгнаны прэч зь Беларусі са сваім дабрачынным фондам (3-е месца) ды Гары Каспараў, які цяпер у апазыцыі да паноўнага рэжыму ў Расеі (25-ы ў сьпісе), нейкае дачыненьне маюць. І яшчэ парадуемся за суседзяў: польскі кампазытар Генрык Гарэцкі на 32-м месцы, украінскі мастак і скульптар Іван Марчук - 72-і.
69 SEO-прыладаў для вашае бачыны. Блукае з блёгу на блёг, але ніколі ня стане бОянам.
Афляйн- і анляйн-рэдактары на дзьве тэмы. Некаму больш прыдасца сьпіс прымочак да Visual Studio, а астатнім - сьпіс рэдактараў пастоў.
Што павінен ведаць і выконваць праграмайстар, наймаючыся на працу. Стаўся да іншых так, як хочаш, каб ставіліся да цябе. Не, гэта не панацэя. Але прынамсі твае сумленьне будзе чыстае.
Конкурс вершаў пра rss. Абяцаюць да таго ж плягін, які замест звычайнага “сухога” запрашэньня падпісацца на rss-стужку будзе цытаваць выпадковы верш з намінантаў.
Мяняю ноўтбук на кеды: новы крыятыўны конкурс ад Гігамарку. Вашыя ідэі вітаюцца і ўзнагароджваюцца!