Маркі ААН

Распачатая новая старонка (пакуль што віртуальная, бо альбом трэба купляць новы) ў калекцыі марак: мне прыслалі ладную кіпу марак Арганізацыі Аб’яднаных Нацыяў. На падставе аналізу дызайну ўсіх марак можна зрабіць выснову, што лёгка будзе пазнаць іх здалёк: графіка нескладаная, нават амаль схематычная.

Тым ня меней, гэта не прымітывізм, а менавіта прастата? ў мастацтве. Што не дагаворвае графіка, дапаўняе тэкст. І вось гэта ёсьць самае цікавае…

Ці ня кожны выпуск складаецца з двух марак, калі не лічыць яшчэ дадаткі ў выглядзе блёкаў, як на першай ілюстрацыі. Адзнака, што марка выпушчаная Арганізацыяй Аб’яднаных Нацыяў, падаецца тэкстам прынамсі на чатырох афіцыйных мовах ААН: ангельскай, французкай, гішпанскай і расейскай. Мне траплялася яшчэ й пятая мова: кітайская (усяго на дадзены момант у ААН 6 афіцыйных моваў, але арабская дадалася адносна нядаўна, і такіх марак у мяне яшчэ няма).

Аднак, як бачна на выяве зьлева, ня ўсе маркі абавязкова падпісваюцца. Найчасьцей хапае эмблемы ААН - па сумяшчальнасьці зямнога шарыку. А дзьве маркі з абсалютна ідэнтычнымі дызайнамі патрэбныя для таго, каб падпісаць іх рознымі мовамі.На першай марцы тэкст па-ангельску, на другой па-французку. Для гэтага і складаецца амаль кожны выпуск з двух марак, як я паведамляў ужо раней.

Толькі хіба для выпуску, прысьвечанаму 10-годзьдзю прыняцьця Ўставу ААН, быў зроблены вынятак: у мяне тры маркі з гэтага набору, з подпісамі на розных мовах.

P.S. Спадзяюся, што ўсё, што я атрымаў ад свайго калегі з ЗША, гэта поўныя наборы, а ня іх часткі, і насамрэч ў кожным выпуску ня дзьве маркі, а больш. А то ўся мая выбудаваная тэорыя распадзецца на аскепачкі…

If you liked my post, feel free to subscribe to my rss feeds